Aukar kjørehøgda på Knoltatunnelen
E16 Knoltatunnelen. Foto: Google Maps Street
View
For å betra tilhøva for transportnæringa, aukar Statens vegvesen no køyrehøgda i E16 Knoltatunnelen mellom Evanger og Bulken i Voss herad.
- Me senkar vegen for å auka køyrehøgda. Med dette grepet unngår me problemet med at høge køyretøy tek borti tunneltak eller høgdeavgrensar, seier Per Arne Blindheim som er teknisk byggjeleiar tunnel i Statens vegvesen.
Arbeidet startar måndag 13. oktober, og tek etter planen ein månad.
Eitt køyrefelt vil til ei kvar tid vera stengt. Dette er naudsynt for å sikra tryggleiken både for arbeidarar og trafikantar.
- Me jobbar døgnkontinuerleg for å gjera arbeidsperioden så kort som mogleg, seier Blindheim.